2020-2021 оқу жылы бойынша «Үшарал қазақ гимназиясы мектеп жасына дейінгі шағын орталығы бар»коммуналдық мемлекеттік мекемесінде Қазақстан Республикасы Білім және Ғылым министрлігінің 2012 жылғы 8 қарашадағы №500 бұйрығымен бекітілген Бастауыш білім берудің үлгілік оқу жоспарлары және дәрігерлік-консультациялық комиссисының қорытындысы негізінде мүмкіндігі шектеулі, үйде оқитын оқушыларға қыркүйек айының 1-інен бастап үйден оқыту ұйымдастырылып, үйден оқыту бойынша мемлекеттік стандарт бойынша бекітілген оқу жоспарына сәйкес жұмыс жоспары, сабақ кестесі, мұғалімнің апталық жүктемесі бекітілді. 

Мүмкіндігі шектеулі, үйде оқитын оқушылардың туу туралы куәлігінің көшірмесі, дәрігерлік-консультациялық комиссияның қорытындысының көшірмесі, үй-тұрмыстық жағдайын тексеру АКТ-сі толтырылып, толықтай қажетті құжаттар жинақталды.  

Гимназия бойынша  1 «Ә» сыныбында – 1 оқушы, 1  «Б» сыныбында –     1 оқушы, 1 «В» сыныбында – 1 оқушы  үйден оқытылады.  Оқушылардың үй-тұрмыстық жағдайын тексеру АКТ-сі толтырылып, ата-аналармен әңгіме жүргізілді. 

                                               Әлеуметтік педагог               Карина Г.Ы.

2020-2021 оқу жылы бойынша «Үшарал қазақ гимназиясы мектеп жасына дейінгі шағын орталығы бар» коммуналдық мемлекеттік мекемесінде оқушылардың отбасындағы әлеуметтік тұрақтылық және психологиялық-физикалық саулығына бақылау жүргізіп, көмек көрсету мақсатында гимназия әлеуметтік педагогы 1-11 сынып бойынша әлеуметтік және отбасы жағдайы туралы ақпараттық базасын жинақтап, сынып жетекшілердің ұсынысы негізінде ата-анасының қамқорлығынсыз қалған балалар, отбасында қиын жағдай орнаған оқушылар мен ата-аналар, қиын және құқықбұзуға бейім оқушыларды анықтау жұмысы жүргізілді. Ата-анасының қамқорлығынсыз қалған балалар, отбасында қиын жағдай орнаған оқушылар мен ата-аналар, қиын және құқықбұзуға бейім оқушылармен әлеуметтік педагог, психолог, сынып жетекшілерімен бірлескен жұмыс жоспары жасалып, оқушылармен жұмыс жүргізу тобы құралып, құрамы   бекітілді.  

Әлеуметтік-психологиялық жұмыстар бойынша ата-анасының қамқорлығынсыз қалған, отбасында қиын жағдай орнаған оқушылар мен ата-аналар, қиын және құқықбұзуға бейім оқушылардың жоқ екендігі анықталды. 

                         Әлеуметтік педагог               Карина Г.Ы.