2023-2024 оқу жылының басталуына орай 1-қыркүйек Білім күніне арналған салтанатты жиыны «Мектебім – мейірім мекені» тақырыбында өтті.

Жетісу облысы Алакөл ауданы «Үшарал  қазақ гимназиясы мектеп жасына дейінгі шағын орталығы бар» коммуналдық мемлекеттік мекемесінде 2023-2024 оқу жылының басталуына орай 1-қыркүйек Білім күніне арналған салтанатты жиыны «Мектебім – мейірім мекені» тақырыбында өтті. Директордың оқу-тәрбие орынбасары А.Ниязова оқу жылының басталуы туралы бұйрықпен таныстырды. Гимназия директоры Г.Хасенова мектеп табалдырығын аптаған бүлдіршіндерді алғашқы қадамдарымен құттықтады.
Салтанатты жиын барысында 1 сынып ұстаздары атынан құттықтау сөз Ноғайбаева Гүльнар Баяхметқызына беріліп, 1 сынып оқушылары жаттап келген тақпақтарын ортаға шығып айтты. Алғашқы қоңырау соғу құрметі 11 сыныптан оқуда озат, тәртібі үлгілі 5 оқушы ұлға және 1 сыныптан 5 оқушы қыз балаға берілді. Гимназия оқушылары қауымы атынан Білім кілтін ұсыну құрметі гимназияның Балалар бастауыш ұйымының президенті Қызыр Аида барлық 1 сынып оқушы атынан  Калиев Айсұлтанға ұсынды.
1-11 сыныптарында «Мектебім – мейірім мекені» тақырыпта бірыңғай сынып сағаттары өтті.